ಡಾ.ರಾಜ್ಕುಮಾರ್ ಬಗ್ಗೆ ಅದೆಷ್ಟೇ ಹೇಳಿದರೂ ಮುಗಿಯುವುದಿಲ್ಲ. ಅವರನ್ನು ಭೇಟಿ ಮಾಡಿದ ಒಬ್ಬೊಬ್ಬರ ಬಳಿನೂ ಒಂದೊಂದು ಕತೆಯಿದೆ. ಒಂದೊಂದು ಕಥೆನೂ ಅಷ್ಟೇ ಸ್ವಾರಸ್ಯಕರವಾಗಿದೆ. ಅಣ್ಣಾವ್ರ ಬದುಕನ್ನು ಹಲವು ಹಂತಗಳಲ್ಲಿ ನೋಡುವವ ಅವರ ಅಭಿಮಾನಿಗಳು ಇದ್ದಾರೆ. ಬಹುತೇಕ ಮಂದಿಗೆ ವರನಟನ ಸಿನಿಮಾ ಬದುಕಿನ ಬಗ್ಗೆ ಚೆನ್ನಾಗಿ ಗೊತ್ತು. ಆದರೆ, ವೈಯಕ್ತಿಕ ಬದುಕಿನ ಬಗ್ಗೆ ಗೊತ್ತಿರೋದು ತೀರ ವಿರಳ.
ಸಿನಿಮಾಗೆ ಬರುವುದಕ್ಕಿಂತ ಮುನ್ನ ಅಣ್ಣಾವ್ರ ಬದುಕು ಹೇಗಿತ್ತು? ಪಾರ್ವತಮ್ಮ ಅವರೊಂದಿಗೆ ರಾಜ್ಕುಮಾರ್ ಮದುವೆ, ಆನಂತರದ ಬದುಕು ಹೇಗಿತ್ತು? ಅನ್ನೋದು ಬಹುತೇಕ ಮಂದಿಗೆ ಗೊತ್ತಿಲ್ಲ. ಅಣ್ಣಾವ್ರು ಸಿನಿಮಾರಂಗಕ್ಕೆ ಕಾಲಿಡುವುದಕ್ಕೂ ಮುನ್ನ ಅವರಿಗೆ ವಿವಾಹವಾಗಿತ್ತು. ಮೊದಲ ಸಿನಿಮಾಗೆ ಅವರಿಗೆ ಅವಕಾಶ ಸಿಕ್ಕಿದ್ದು ಕೂಡ ಆಕಸ್ಮಿಕ. ಒಂದೇ ಒಂದು ಅವಕಾಶ ಅವರನ್ನು ಸೂಪರ್ಸ್ಟಾರ್ ಪಟ್ಟ ಕೊಡಿಸಿದ್ದು ಇತಿಹಾಸ.
